19.11.2024 | 16:20
Ցանկացած պետական աշխատող պետք է պատրաստ լինի թողնել պաշտոնը․ Ժաննա Անդրեասյան․ ՏԵՍԱՆՅՈՒԹ
Արցախի գրավյալ տարածքներում, ընդհանուր առմամբ, 180 ադրբեջանցի է պայթել ականի վրա
Քաղաքականություն
22.11.2021 | 23:02
Ադրբեջանը Արցախի գրավյալ տարածքներում ականի վրա պայթելու հետևանքով տուժած ադրբեջանցիների նոր տվյալներ է ներկայացրել։
Մասնավորապես, տեղական լրատվամիջոցների հաղորդմամբ՝ 2020 թվականի նոյեմբերի 10-ից մինչև 2021-ի նոյեմբերի 22-ը ականի վրա պայթելու հետևանքով մահացել կամ վիրավորում է ստացել մոտ 180 մարդ, որոնց մեծ մասը՝ քաղաքացիական անձինք։
Վիրավորների ու զոհերի առանձին թիվ չի նշվում։
Հաղորդվում է նաև, որ նշված ժամանակահատվածում Արցախի գրավյալ տարածքներից հայտնաբերվել է 10․455 հակահետևակային, 4640 հակատանկային ական, 12637 չպայթած զինամթերք։ Ականներից ու չպայթած զինամթերքից ականազերծվել է 6286 հա տարածք։
Էմմա Չոբանյան
