17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
COVID-19-ի դեմ Pfizer-ի պատվաստանյութի ուսումնասիրությունները երկարաժամկետ արդյունավետություն են ցույց տվել դեռահասների շրջանում
Քաղաքականություն
22.11.2021 | 23:40
Pfizer Inc-ն այսօր հայտարարել է, որ երկարաժամկետ ուսումնասիրությունների տվյալների համաձայն՝ 12-ից 15 տարեկանների շրջանում COVID-19-ի դեմ իր պատվաստանյութն ուժեղ ու երկարաժամկետ պաշտպանություն է ապահովել վիրուսի դեմ, գրում է US News-ը:
Պատվաստանյութի երկու դեղաչափը ստացածների մոտ 100% արդյունավետություն է ցուցաբերել COVID-19-ի դեմ։ Ընկերությունից հայտնել են, որ ուսումնասիրություններն արվել են երկրորդ դեղաչափից հետո յոթ օրից մինչև չորս ամիսն ընկած ժամանակահատվածում։ Երկարաժամկետ ուսումնասիրությունների տվյալները կնպաստեն ԱՄՆ-ում և ամբողջ աշխարհում այս տարիքային խմբի համար պատվաստումների հաստատումը։
Մայիսին ԱՄՆ Սննդամթերքի և դեղերի վարչության կողմից պատվաստանյութը թույլատրվել է արտակարգ իրավիճակներում օգտագործել 12-15 տարեկանների պարագայում, իսկ օգոստոսին այն ստացել է 16 և բարձր տարիքի մարդկանց շրջանում օգտագործման ամբողջական թույլտվություն:
Տաթև Ֆռանգյան
