Ինձ համար ցավալի է, որ մենք կորցնում ենք նաև այդպիսի մարդկանց․ Կոմանդոսը՝ Ժիրայր Սեֆիլյանի և Սամվել Բաբայանի ազատազրկման մասին. ՏԵՍԱՆՅՈՒԹ

Արցախի հերոս, գեներալ-մայոր Արկադի Տեր-Թադևոսյանը համամիտ չէ նրանց հետ, ովքեր 800 հեկտար կորցրած տարածքները համարում են ոչ կարևոր․ «Դրանք դիրքեր են, որոնք կորցնելով մենք կորցրինք բավականին մեծ տարածք, դիրքեր են, որոնք կորցնելով հիմա Թալիշ գյուղը, որտեղ զորամաս կա, մարդիկ էին ապրում նորից վերակառուցվում է։ Ես համամիտ չեմ, նրանց հետ, ովքեր ասում են, թե դա մեծ կորուստ չէր՝ մեծ կորուստ է»։

Արցախի հերոսի խոսքով՝ ցավալի է կորցնել այնպիսի մարդկանց, ինչպիսիք են Ժիրայր Սեֆիլյանը, Սամվել Բաբայանը, Արայիկ Խանդոյանը, բայց նրանց կատարած քայլերը չի ողջունում․ «Մարտի դաշտում կորցնում ես ընկերներիդ, որոնցից կախված է քո կյանքը, նրանց կյանքը, ինձ համար ցավալի է, որ մենք կորցնում ենք նաև այդպիսի մարդկանց։ Այն մարդիկ, ովքեր կարող էին երկրի համար օգտակար լինել, քայլեր արեցին, որոնք ես չեմ ողջունում։ Այդ 10 տարին նրանց համապատասխանում էր, թե ոչ՝ ասել չեմ կարող։ Բայց այդ մարդկանց կարելի էր մի քիչ ներել»։

Կոմանդոսը կարծում է, որ Ժիրայր Սեֆիլյանը, երբ հայտարարում էր 800 հետկտար կորցրած տարածքները հետ բերելու մասին, ցանկանում էր դա միայնակ անել, ինչը ճիշտ որոշում չէր: «Մարտի դաշտում մենակ մարդը մարտիկ չէ, մենք հիմա պետություն ունենք, բանակ ունենք, նախարարություն ունենք, որոնց ինքը պետք է ասեր հա՛, ես պատրաստ եմ համագործակցել բանակի հետ, բանակին օգնել ու այդ հարցերը լուծեմ»,-ասաց նա։

Անդրադառնալով այն հանգամանքին, որ Ժիրայր Սեֆիլյանի անունը հանվել է պատմության դասագրքերից, Արցախի հերոսը նշեց՝ ժամանակի խնդիր է․ «Կհանեն, հետո էի հետ կվերդարձնեն ժամանակն ամեն ինչ տեղը կկանգնեցի, ամեն ինչ որոշում է ժամանակը»։

Մանրամասները՝ տեսանյութում։

Լիլիթ Շաբոյան