16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ջելալաբադի օդանավակայանում վայրէջք է կատարել վերջին 20 տարվա ընթացքում առաջին քաղաքացիական ինքնաթիռը
Քաղաքականություն
21.11.2021 | 20:33
20 տարի անց առաջին քաղաքացիական ինքնաթիռն այսօր՝ նոյեմբերի 21-ին, վայրէջք է կատարել Ջելալաբադ քաղաքի օդանավակայանում, փոխանցում է ՏԱՍՍ-ը՝ վկայակոչելով տեղական իշխանությունների ներկայացուցիչներին ։
Աղբյուրի տեղեկատվության համաձայն՝ մարդասիրական բեռով օդանավը ժամանել է Իրանից։ Մասնավորապես, քաղաք է հասցվել 6 տոննա բրինձ և 4 տոննա դեղորայք։ Սա հումանիտար օգնությամբ արդեն իններորդ ինքնաթիռն է, որն Իրանի իշխանությունների կողմից ուղարկվել է Աֆղանստան վերջին երեք ամիսների ընթացքում:
Ինչպես ճշտել են նահանգի ղեկավարությունում, մոտ ժամանակներս Ջելալաբադի օդանավակայանն ամբողջությամբ կվերսկսի աշխատանքը ներքին և միջազգային ուղևորափոխադրումների համար:
Այն բանից հետո, երբ «Թալիբանի» գրոհայինները, որոնք վերահսկում էին Աֆղանստանի մեծ մասը 1996-2001 թվականներին, 2001 թվականի վերջին երկրի բոլոր հանգուցային քաղաքներից դուրս էին մղվել «Հյուսիսային դաշինքի» մարտիկների կողմից ԱՄՆ-ի գլխավորած միջազգային կոալիցիայի աջակցությամբ, Ջելալաբադի օդանավակայանը սկսեց օգտագործվել ռազմական կարիքների համար: Օդային նավահանգիստը վերասարքավորվել է ՆԱՏՕ-ի առաջավոր օպերատիվ բազա։
Այս տարվա օգոստոսի 15-ին Աֆղանստանի նկատմամբ վերահսկողություն սահմանելու թալիբների լայնածավալ գործողության ընթացքում Ջելալաբադն ամբողջությամբ անցել է ծայրահեղականների հսկողության տակ:
