Հասարակություն
19.11.2021 | 23:02
Նոյեմբերի 22-ից 26-ը Հայաստանի ազգային պոլիտեխնիկական համալսարանում (ՀԱՊՀ) տեղի կունենա «Ինչպե՞ս սկսել ձեր սեփական բիզնեսը և ստարտափը» թեմայով անվճար դասընթացների շարք՝ 44-օրյա պատերազմի մասնակիցների, պատերազմից տուժած, արցախցի ուսանողների և տեղահանված անձանց համար։ Այս մասին
Հնգօրյա դասընթացի շրջանակում մասնակիցները հնարավորություն կունենան ծանոթանալ բնագավառի նորարարություններին, բիզնես մոդելավորման ժամանակակից միտումներին և միջազգային տերմինաբանությանը։ Վերջիններս կարող են ստանալ նաև ձեռներեցության, ձեռնարկատիրության, բիզնեսի մոդելավորման, ստեղծագործական և նորարարական մտածելակերպի զարգացման վերաբերյալ անհրաժեշտ գիտելիքներ։
Դասընթացին մասնակցելու համար անհրաժեշտ է նախապես գրանցվել այս հղումով։
Հարցերի դեպքում՝ զանգահարել +374 10 56-74-25, +374 98 12-12-94 կամ գրել [email protected], [email protected] էլեկտրոնային հասցեներին։
Դասընթացները կիրականացվեն ՀԱՊՀ-ի կողմից` Բրիտանական խորհրդի «Ստեղծարար միտք» (Creative Spark) դրամաշնորհային ծրագրի շրջանակում։ Համագործակցությունն իրականացվում է Հայաստանի ազգային պոլիտեխնիկական համալսարանի և ՄԹ Սաութհեմփթոնի համալսարանի միջև։
