22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Թուրքիայում հազարավոր բանվորներ դուրս են եկել փողոց՝ պահանջելով իշխանությունների հրաժարականը
Քաղաքականություն
19.11.2021 | 22:48
Թուրքիայի առաջադեմ արհմիությունների կոնֆեդերացիայի (DİSK) կոչով հազարավոր բանվորներ դուրս են եկել երկրի երրորդ ամենամեծ քաղաքի՝ Իզմիրի փողոցներ՝ բողոքելով աշխատողների սոցիալական վիճակի վատթարացման դեմ։ Այս մասին հայտնում է թուրքական ընդդիմադիր Bianet գործակալությունը։
Նշվում է, որ ցուցարարները եղել են պաստառներով, որոնց վրա, մասնավորապես, գրված էր՝ «Չենք կարողանում ծայրը ծայրին հասցնել», «Կառավարություն, հրաժարակա՛ն տվեք» և այլն։
«Քոնաք Ջումհուրիեթ» հրապարակում հավաքված բանվորները վանկարկել են՝ «Աշխատանք, հաց, ազատություն», «Բյուջեն աշխատավորի համար է, ոչ թե պալատի», «Աշխատավորների միասնությունը կհաղթի մայրաքաղաքին», «Կառավարություն բավական է գները բարձրացնել», «Կառավարություն, հրաժարական տվեք», «Մենք ուզում ենք մարդասիրական աշխատավարձ»։
Աշխատավորների բողոքի ցույցերը տեղի են ունեցել Անկարայում 2022 թվականի բյուջեի շուրջ շարունակվող բանակցությունների ֆոնին և արհմիությունների ու իշխանությունների հետ հաջորդ տարվա նվազագույն աշխատավարձի վերաբերյալ բանակցություններից առաջ:
Տաթև Ֆռանգյան
