08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Կառավարությունը հարկային արտոնություն է տալու Սամվել Ալեքսանյանին. «Ժամանակ»
05.04.2018 | 09:23
«Ժամանակ» թերթը գրում է.
Կառավարությունը այսօրվա նիստում հարկային արտոնություն է տալու գործարար պատգամավոր Սամվել Ալեքսանյանին: Վերջինս իրեն պատկանող «Ալեքս տեքստիլ» ընկերության համար Թուրքիայից և Ուզբեկստանից 706 միլիոն դրամի տրիկոտաժե գործվածք, թելեր, կոճակներ և այլ տեքստիլ պարագաներ է ներկրել: Ընդ որում՝ կառավարությունը գերակա ոլորտ է համարում այդ բիզնեսը:
«Բավարարել «ԱԼԵՔՍ ՏԵՔՍՏԻԼ» ՍՊԸ կողմից ներկայացված հայտը գերակա ոլորտում իրականացվող ներդրումային ծրագրի շրջանակներում ներմուծված (ներմուծվող) տեխնոլոգիական սարքավորումները, դրանց բաղկացուցիչ ու համալրող մասերը, հումքը և (կամ) նյութերը ներմուծման մաքսատուրքից ազատման արտոնությունից օգտվելու համար և սահմանված կարգով կիրառել համապատասխան արտոնությունը` համաձայն հավելվածի ներմուծված (ներմուծվող) տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ»,- նշված է կառավարության որոշման նախագծում:
Հիշեցնենք, որ «ԱԼԵՔՍ ՏԵՔՍՏԻԼ» ընկերության տնօրենը Սամվել Ալեքսանյանի դուստրն է՝ Աստղիկ Ալեքսանյանը:
Առավել մանրամասն՝ թերթի այսօրվա համարում:
