15.01.2025 | 17:30
Դատախազությունը պահանջում է դատավոր Անի Հարությունյանից բռնագանձել 17 անշարժ գույք, շուրջ 1 միլիարդ դրամ
Ադրբեջանն ու Իտալիան ռազմական համագործակցության հարցեր են քննարկել
Քաղաքականություն
18.11.2021 | 17:21
Ադրբեջանի Պաշտպանության նախարարության միջազգային ռազմական համագործակցության վարչությունում տեղի են ունեցել շտաբային բանակցություններ Ադրբեջանի ՊՆ-ի և Իտալիայի գլխավոր շտաբի պատվիրակությունների միջև։ Այս մասին հայտնում են ադրբեջանական լրատվամիջոցները՝ վկայակոչելով Ադրբեջանի ՊՆ-ին։
«Հանդիպմանը մտքերի փոխանակություն է տեղի ունեցել Ադրբեջանի և Իտալիայի Զինված ուժերի միջև համագործակցության ներկա իրավիճակի և հեռանկարների շուրջ, ինչպես նաև քննարկվել են տարածաշրջանային անվտանգության հարցեր։ Մատնանշվել են առաջիկա տարիների համագործակցության ոլորտներն ու ուղղությունները»,- ասվում է Ադրբեջանի ՊՆ տարածած հայտարարության մեջ։
Նշենք, որ ավելի վաղ ադրբեջանական մամուլում տեղեկություններ տարածվեցին այն մասին, որ Բաքուն Իտալիայից ռազմաուսումնական M-346 ինքնաթիռներ է ստանալու։
Էմմա Չոբանյան
