18.01.2026 | 16:33
Մենք վստահ քայլերով շարժվում ենք միջազգային մեծ մրցաշարեր հյուրընկալելու ուղղությամբ․ ՀՖՖ նախագահի ուղերձը
Առաջարկվում է «Օդանավակայանի տաքսի ծառայություն» սահմանել․ ՏԵՍԱՆՅՈՒԹ
Քաղաքականություն
18.11.2021 | 10:35
Խորհրդարանը առաջին ընթերցմամբ ընդունեց «Ավտոմոբիլային տրանսպորտի մասին» և կից ներկայացված օրենքների նախագծերում փոփոխություններ կատարելու նախագծերի փաթեթը:
«Հանրապետության օդանավակայանների տարածքում առանձին կարգավորում չունի տաքսի ծառայությունների մատուցման գործընթացը, ինչի պատճառով ոլորտում առաջացել են խնդիրներ, որոնք խոչընդոտում են Հանրապետություն մուտք գործող ուղևորների՝ քաղաքակիրթ տրանսպորտային սպասարկման կազմակերպմանը:
Մշակված օրենսդրական փաթեթով առաջարկվում է օդանավակայանի տաքսի կայանատեղիից փոխադրումներ իրականացնելու համար սահմանել «Ա» տիպի լիցենզիայի պահանջ, որի պետական տուրքը տարեկան նախատեսվում է 200 հազար դրամ»,- նշեց ՏԿԵ նախարարի տեղակալ Արմեն Սիմոնյանը:
Նախագծով սահմանվում են նաև օդանավակայանի տաքսի ծառայություն մատուցող տրանսպորտային միջոցների կահավորմանը, արտաքին տեսքին ներկայացվող պահանջներ: Վարչական պատասխանատվության միջոցներ են սահմանվում ոլորտի իրավախախտումների համար: Խոսքը մինչև 7 տարեկան թեթև մարդատար տրանսպորտային միջոց ունենալու մասին է:
Մանրամասները՝ տեսանյութում:
