27.10.2026 | 11:24
Թուրքիայում ձերբակալվել է հիջաբի արգելքի դեմ բողոքելու համար Բաքվի կողմից անցանկալի անձ հայտարարված գործիչը
ԵԱՀԿ Մինսկի խմբի համանախագահները Վիեննայում քննարկում են հայ-ադրբեջանական սահմանին տիրող իրավիճակը․ Զախարովա
Քաղաքականություն
17.11.2021 | 18:39
ԵԱՀԿ Մինսկի խմբի համանախագահները մտահոգված են հայ-ադրբեջանական սահմանին տիրող իրավիճակով և Վիեննայում են՝ քննարկելու ներկա իրավիճակը։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Համանախագահները մտահոգված են սահմանային վերջին միջադեպերով, համանախագահները շարունակում են ակտիվորեն միջնորդական ջանքեր գործադրել»,- հայտարարել է նա։
Զախարովան հիշեցրել է նոյեմբերի 10-ին Փարիզում համանախագահների՝ Հայաստանի և Ադրբեջանի արտգործնախարարների հետ հանդիպման մասին։ Նրա խոսքով՝ եռյակը Վիեննայում է՝ քննարկելու ստեղծված իրավիճակը։
Միևնույն ժամանակ, Մոսկվան կրկին ընդգծում է համանախագահների տարածաշրջան այցը հնարավորինս շուտ կազմակերպելու կարևորությունը։
Տաթև Ֆռանգյան
