14.12.2024 | 13:33
Առողջության համապարփակ ապահովագրությունը ներդրվելու է․ Անահիտ Ավանեսյան
«Հակառուսական հիստերիա եթե կա, դրա հեղինակը իշխող մեծամասնությունը չէ»․ Փաշինյան․ ՏԵՍԱՆՅՈՒԹ
Քաղաքականություն
17.11.2021 | 18:19
Բոլորիս համար ակնհայտ է, որ Հայաստանում հակառուսական հիստերիա եթե նույնիսկ կա, դրա հեղինակն իշխող մեծամասնությունը չէ։ Կառավարության անդամների հետ հարցուպատասխանի ժամանակ ԱԺ–ում հայտարարեց վարչապետ Նիկոլ Փաշինյանը` պատասխանելով «Պատիվ ունեմ» խմբակցության պատգամավոր Հայկ Մամիջանյանի հարցին։
Մամիջանյանը նշել էր, որ երեկ ԱԺ նիստի ժամանակ հակառուսական մտքեր էին հնչում իմքայլական պատգամավորների կողմից և հետաքրքրվել՝ արդյո՞ք համաձայնեցված է եղել Փաշինյանի հետ։
«ԱԺ ամբիոնից հնչած մտքերը լրացուցիչ մեկնաբանության կարիք չունեն։ Սակայն մենք ասել ենք և կառավարության ծրագրում հստակ գրված է` հայ – ռուսական ռազմավարական գործընկերությունը մեր անվտանգության համակարգի առանցքային գործոններից է, և ՀԱՊԿ-ն այն անվտանգային համակարգն է, որին մենք անդամակցում ենք:
Հույս ունենք և աշխատում ենք այն ուղղությամբ, որպեսզի ՀԱՊԿ–ի` նման իրավիճակներում նախատեսված մեխանիզմները գործարկվեն։ Եթե դրանց գործարկվելու հետ կապված խնդիրներ կան, ապա, հարցն այն է, որ այդ մեխանիզմները նախատեսվել են, սակայն նախկինում գործարկվելու առիթ չի եղել. առաջին անգամ է, որ նման իրադրություն է ստեղծվել: Եվ այդ իրադրությունը մանրամասն մեր գործընկերների հետ անհոգնել քննարկում ենք և ամեն ինչ անելու ենք, որպեսզի անվտանգային մեխանիզմները աշխատեն պատշաճ ձևով, պատշաճ ընթացակրգերով և պատշաճ ժամանակներում»,- նշեց Փաշինյանը:
Մանրամասները՝ տեսանյութում:
