Քաղաքականություն
16.11.2021 | 23:02
Վաշինգտոնն անհանգստացած է Հայաստանի ու Ադրբեջանի սահմանի հաղորդագրություններով,կողմերին կոչ է անում դադարեցնել ռազմական գործողությունները ու վերսկսել բանակցությունները, այդ թվում՝ ԵԱՀԿ-ի գծով։ Այս մասին, ի պատասխան Factor.am-ի հարցման, հայտնել են ԱՄՆ-ի Պետքարտուղարությունից:
«Մենք այսօր անհանգստացնող հաղորդագրություններ ենք ստացել Հայաստանի և Ադրբեջանի միջև ակտիվ ռազմական գործողությունների մասին։ Մենք կոչ ենք անում Հայաստանին ու Ադրբեջանին՝ անհապաղ դադարեցնել մարտական գործողություններն ու ըստ էության վերսկսել բանակցությունները, այդ թվում՝ ԵԱՀԿ Մինսկի խմբի համանախագահների հովանու ներքո՝ գտնելու բոլոր չլուծված հարցերի համապարփակ լուծումները, որոնք այսպես թե այնպես կապված են Ղարաբաղյան հակամարտության հետ»,- նշված է մեզ ուղղված պատասխանում:
Հռիփսիմե Հովհաննիսյան
