26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Թուրքիայում ձերբակալվել է Հայիթիի նախագահի սպանության մեջ կասկածվողներից մեկը
Քաղաքականություն
16.11.2021 | 23:32
Թուրքիայի իշխանությունները ձերբակալել են այս տարվա հուլիսին Հաիթիի նախագահ Ժովենել Մոիզիի սպանության մեջ կասկածվողներից մեկին։ Այս մասին հայտարարել է Հայիթիի արտգործնախարար Կլոդ Ժոզեֆը։
«Ես հենց նոր հեռախոսազրույց ունեցա թուրք նախարար, իմ ընկեր Մևլութ Չավուշօղլուի հետ և շնորհակալություն հայտնեցի Թուրքիային նախագահի սպանության մեջ կասկածվողներից մեկի՝ Սամիր Հանդալի ձերբակալության համար»,- գրել է Ջոզեֆը Twitter-ում։
Reuters-ի հաղորդմամբ՝ Ինտերպոլի կողմից հետախուզման մեջ գտնվող Հանդալը ձերբակալվել է Ստամբուլի օդանավակայանում՝ ԱՄՆ-ից Հորդանան ուղեւորվող ինքնաթիռ նստելիս։
Հիշեցնենք՝ հուլիսի 7-ի գիշերը Հաիթիի նախագահ Ժովենել Մոյզին սպանվել է իր նստավայրում։ Հարձակվողները վիրավորել են նաև նրա կնոջը, սակայն նա ողջ է մնացել հարձակումից։
Կլոդ Ժոզեֆը նշանակվել է կառավարության ժամանակավոր ղեկավար և երկրում ռազմական դրություն է հայտարարվել 15 օրով։ Նույն ժամանակահատվածում համազգային սուգ է հայտարարվել։
Ավելի ուշ Հաիթիի իշխանությունները պարզել են, որ վարձկանների խմբում, որոնք սպանել են նախագահ Մոյզին, եղել են առնվազն 28 մարդ՝ 26 կոլումբիացի և երկու տեղացի բնակիչ։
Տաթև Ֆռանգյան
