19.05.2024 | 11:19
Արտարժույթների փոխարժեքները՝ մայիսի 19-ի դրությամբ
«Բուրգեր Քինգ»-ում տեղի ունեցած պայթյունի հետևանքով տուժածներից ևս երեքը դուրս են գրվել
Հասարակություն
04.04.2018 | 11:02
Ապրիլի 2-ին Հյուսիսային պողոտայում՝ «Բուրգեր Քինգ» արագ սննդի կետում տեղի ունեցած պայթյունի հետևանքով տուժածների վիճակն արդեն լավ է, այս մասին Factor.am-ին հայտնեց «Սուրբ Գրիգոր Լուսավորիչ» բժշկական կենտրոնի փոխտնօրեն Գագիկ Մանուկյանը։
Փոխտնօրնեը նշեց, որ տուժած երեք ՌԴ քաղաքացիները դուրս են գրվել և այսօր ժամը 14․00-ին կմեկնեն Մոսկվա․ «Երկու ՀՀ քաղաքացիները, որոնք վիրահատվել են, լավ են. աղջիկը և իր եղբայրը, բայց նրանք առայժմ մնում են հիվանդանոցում»։
Նշենք, որ երեկ էլ 8 վիրավորներից երկուսն էին դուրս գրվել՝ Իրանի քաղաքացիները։
Հիշեցնենք՝ ապրիլի 2-ին՝ «Բուրգեր Քինգ» արագ սննդի կետում տեղի էր ունեցել պայթյուն, որի հետևանքով մարմնական վնասվածքներ էին ստացել 8 մարդ՝ Ռուդոլֆ Մարկոսյանը (6 տարեկան), Ռուբինա Մարկոսյանը (8 տարեկան), Զարուհի Մելիքյանը (19 տարեկան), Էրիկ Աշուղյանը (24 տարեկան, ԻԻՀ քաղաքացի), Ալյոնա Ագապովան (15 տարեկան, ՌԴ քաղաքացի), Լիզա Աբրահամովան (15 տարեկան, ՌԴ քաղաքացի), Յարոսլավ Լյուբենկոն (15 տարեկան, ՌԴ քաղաքացի), Զեյնա Հուսեինին (24 տարեկան, ԻԻՀ քաղաքացի), ովքեր տեղափոխվել էին «Սուրբ Գրիգոր Լուսավորիչ» ԲԿ:
Լիլիթ Շաբոյան
