22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Արական սեռի քաղաքացիներին անձնագիր տրամադրել մինչև 19 տարին լրանալը. նախագիծ․ ՏԵՍԱՆՅՈՒԹ
Քաղաքականություն
16.11.2021 | 13:00
Ազգային ժողովում քննարկվում է «ՀՀ քաղաքացու անձնագրի մասին» օրենքում փոփոխություններ և լրացումներ կատարելու մասին և «Նույնականացման քարտերի մասին» օրենքում փոփոխություններ և լրացումներ կատարելու մասին» օրենքների նախագծերի փաթեթն առաջին ընթերցմամբ ընդունելու մասին հարցը:
Ոստիկանության պետի տեղակալ Արա Ֆիդանյանի խոսքով՝ օրենքի նպատակն է լուծել իրավակիրառ պրակտիկայում առաջացած խնդիրները: Առաջարկվում է մինչև 16 տարեկան և 16 տարին լրացած արական սեռի քաղաքացիների անձնագրերը տրամադրել մինչև նրանց 19 տարին լրանալը՝ գործող 18 տարեկանի փոխարեն, իսկ 19 տարին լրացած լինելու դեպքում պարտադիր զինվորական ծառայության զորակոչից տարկետման ժամանակահատվածից բացի՝ նաև «Զինվորական ծառայության և զինծառայողի կարգավիճակի մասին» օրենքով սահմանված բժշկական փորձաքննության ժամկետով:
«Օրինագծով նաև առաջարկվում է պաշտպանության նախարարի միջնորդությամբ 18 տարին լրացած արական սեռի քաղաքացիներին նաև ավելի երկար ժամկետով անձնագիր տրամադրելու հնարավորություն նախատեսել այլ բացառիկ դեպքերում, այն է՝ ուսման, բուժման, սպորտային, մշակութային միջոցառումներին մասնակցելու նպատակով»,- ասաց Ֆիդանյանը:
Նրա խոսքով՝ խոսքով՝ մյուս փոփոխության նպատակն է հին նմուշի ոչ կենսաչափական տվյալներով անձնագրերը ՀՀ քաղաքացիներին տրամադրելու վերջնաժամկետը երկարաձգել ևս մեկ տարով, այսինքն՝ 2022 թվականի հունվարի 1-ի փոխարեն սահմանել 2022 թվականի դեկտեմբերի 31-ը:
Մանրամասները՝ տեսանյութում:
