08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Անշարժ գույքի շուկան ակտիվացել է. Երևանում բնակարանների գները բարձրացել են. «Ժողովուրդ»
04.04.2018 | 10:19
«Ժողովուրդ» օրաթերթը գրում է.
Հայաստանի անշարժ գույքի շուկան փոքր-ինչ ակտիվացել է. արձանագրվել է գների բարձրացում: Կառավարությանն առընթեր անշարժ գույքի կադաստրի պետական կոմիտեի տեղեկատվության համաձայն` փետրվարին, հունվարի համեմատ, մայրաքաղաքում բնակարանների գները մի փոքր աճել են: Օրինակ` Կենտրոն վարչական շրջանում բնակարանի մեկ քմ հունվար ամիսին վաճառվել է 485 հազար դրամով, իսկ փետրվարին` 487 հազար 200 դրամով: Այսինքն` մեկ ամսվա ընթացքում կենտրոնում բնակարանների մեկ քմի գինը բարձրացել է 2200 դրամով: Քանաքեռ-Զեյթուն վարչական շրջանում բնակարանների գները բարձրացել են 1400 դրամով. այս թաղամասում բնակարանի մեկ քմ հունվարին արժեցել է 269 հազար 700 դրամ, իսկ ահա փետրվարին` 271 հազար 100 դրամ: Նկատենք, որ Երեւանի բանուկ թաղամաս համարվող Արաբկիրում բնակարանների գները պահպանել են հունվար ամսվա մակարդակը` մեկ քմ-ն` 358 հազար 800 դրամ: Նույն իրավիճակն է նաեւ Նոր Նորքի վարչական շրջանում, որտեղ եւս բնակարանները չեն թանկացել:
Առավել մանրամասն՝ թերթի այսօրվա համարում:
