24.04.2026 | 09:35
Փաշինյանն ու բարձրաստիճան այլ պաշտոնյաներ հարգանքի տուրք մատուցեցին Հայոց ցեղասպանության զոհերի հիշատակին․ ՏԵՍԱՆՅՈՒԹ
Ավստրիայում խիստ լոքդաուն է սահմանվել երկրի չպատվաստված բնակիչների համար
Քաղաքականություն
15.11.2021 | 22:32
Ավստրիայում խիստ լոքդաուն է սահմանվել երկրի չպատվաստված բնակիչների համար, որն ուժի մեջ է մտնում նոյեմբերի 15-ի գիշերը։ Այս մասին Վիեննայում կայացած մամուլի ասուլիսում հայտարարել է Ավստրիայի դաշնային կանցլեր Ալեքսանդր Շալենբերգը, գրում է DW-ի ռուսական ծառայությունը։
Վկայակոչելով նոր վարակակիրների թվի աճող տեմպերը՝ նա հայտարարել է, որ խելամիտ չի լինի այլևս սպասել:
«Մենք այս քայլին գնում ենք ծանր սրտով»,- ասել է Ավստրիայի կառավարության ղեկավարը։
Պահպանողական քաղաքական գործչի կարծիքով՝ հերթական համընդհանուր շրջափակման կիրառումն անարդարացի կլինի պատվաստվածների նկատմամբ։ Առայժմ 10 օր ժամկետով սահմանափակող միջոցներ են ներդրվում, դրանք կվերաբերեն երկրի մոտ 2 միլիոն բնակչի, որոնց կթույլատրվի լքել իրենց տները միայն խիստ անհրաժեշտության դեպքում, մասնավորապես՝ անհրաժեշտ գնումներ կատարելու կամ իրենց աշխատավայր մեկնելու համար։
Նոյեմբերի 8-ից Ավստրիայում արդեն գործում են զգալիորեն ավելի խիստ հակակորոնավիրուսային սահմանափակումներ։ Բազմաթիվ հասարակական վայրեր, ներառյալ՝ սննդի, սպորտի, վարսահարդարման կամ ավելի քան 25 հոգու մասնակցությամբ միջոցառումների վայրեր մուտքը բաց է միայն պատվաստվածների և ապաքինվածների համար (2G): Աշխատավայր մուտք գործելու համար դեռևս բավարար է թեստավորման բացասական պատասխանը։
Տաթև Ֆռանգյան
