29.03.2025 | 21:28
Լռության օրվա սահմանափակումները խախտվել են․ «Անկախ դիտորդը» ԿԸՀ դիմում է ներկայացնելու
Թուրքական լիրան արժեզրկման նոր ռեկորդ է սահմանել
Քաղաքականություն
11.11.2021 | 23:31
Թուրքական լիրայի փոխարժեքը դոլարի նկատմամբ հասել է նոր պատմական նվազագույնի, գրում է«Ահվալ» գործակալությունը։
Լիրան արժեզրկվել է՝ հասնելով 1 դոլարի դիմաց 9․965-ի՝ այս տարվա կորուստները հասցնելով ավելի քան 25 տոկոսի։ Թուրքիայի Կենտրոնական բանկը սեպտեմբերին սկսեց նվազեցնել տոկոսադրույքները՝ չնայած շարունակվող գնաճին և համաշխարհային գների ճնշմանը։ Բանկը նվազեցրել է տոկոսադրույքները՝ վերջին երկու ամսում 19 տոկոսից հասցնելով 16-ի, թեև գնաճը տեղական մակարդակում արագացել է՝ հասնելով 19․9 տոկոսի։
Կենտրոնական բանկի նման դրամավարկային քաղաքականությունը Թուրքիային դնում է փակուղու առաջ, քանի որ գրեթե բոլոր հիմնական զարգացող շուկայի գործընկերները բարձրացնում են տոկոսադրույքները՝ գնաճի դեմ պայքարելու համար:
Նշենք, որ Թուրքիայի Կենտրոնական բանկի դրամավարկային քաղաքականությունը քաղաքական հսկայական ճնշման տակ է։ Դեռևս մարտին երկրի նախագահ Ռեջեփ Թայիփ Էրդողանը պնդում էր, որ բարձր տոկոսադրույքներն ինֆլյացիոն են, իսկ Կենտրոնական բանկի նախագահին ազատել պաշտոնից այն բանից հետո, երբ նրա պաշտոնավարման 4 ամիսներին տոկոսադրույքները 10․25-ից հասցրել էր 19 տոկոսի՝ գնաճը զսպելու համար։ Այս ժամանակ Թուրքիայում գնաճը կազմում էր 15․6 տոկոս։
Էմմա Չոբանյան
