Քաղաքականություն
11.11.2021 | 11:56Կառավարությունը 482 միլիոն 302 հազար դրամ հատկացրեց Երևան-Երասխ-Գորիս-Մեղրի-Իրանի Իսլամական Հանրապետության սահման միջպետական նշանակության ավտոճանապարհի, Վանաձոր-Դիլիջան և Վահանավանք հատվածներում միջին նորոգման աշխատանքներ իրականացնելու համար:
«2021 թվականիհունիսին առանց ֆինանսական միջոցներ նախատեսելու հայտարարվել էին մրցույթներ։ Այդ մրցույթների շրջանակներում ընկերությունների հետ կնքվել էին պայմանագրեր, և անհրաժեշտություն է առաջացել նրանց վճարելու։ Կնքված 3 պայմանագրերի ընդհանուր արժեքը կազմում է 482 302 020 ՀՀ դրամ»,- ասաց Տարածքային կառավարման և ենթակառուցվածքների նախարար Գնել Սանոսյանը։
Վարչապետ Նիկոլ Փաշինյանը հետաքրքրվեց, թե Վանաձոր – Դիլիջան ճանապարհի կոնկրետ որ համայնքների հատվածն է վերանորոգվելու։ Գնել Սանոսյանը, սակայն, դժվարացավ հստակ բնակավայրերը նշել:
«Սա հանրային միջոցառում է։ Կոնկրետ ասեք` այսինչ բնակավայրից այսինչ բնակավայրի հատված։ Ընդհանրապես որոշումներում այդ կիլոմետրաժները նշելիս պարտադիր նշեք, թե որ հատվածից, որ հանրությունը տեղյակ լինի։ Հիմա մենք ասում ենք 460-473–րդ կմ։ Մարդն ինչ իմանա` որ հատվածի մասին է խոսքը»,- ասաց Փաշինյանը։
Գնել Սանոսյանը նշեց, որ տարվա ընթացքում 500 կմ ավտոճանապարհ կառուցելու հանձնառությունը պահպանվում է:
Մանրամասները՝ տեսանյութում:
