11.02.2026 | 23:36
Քարաթափումներ Երևան-Մեղրի ավտոճանապարհին. վնասվել են ավտոմեքենաներ
Կնոջը ծեծի ենթարկած տղամարդը հայտնաբերվել է
Հասարակություն
10.11.2021 | 23:01
Ոստիկանության ծառայողների ձեռնարկած ծավալուն օպերատիվ-հետախուզական միջոցառումների արդյունքում, Երևանում հայտնաբերվել և ոստիկանություն Կենտրոնական բաժին բերման է ենթարկվել հրապարակված տեսանյութում կնոջը ծեծի ենթարկած տղամարդը։
Ոստիկանության տեղեկացմամբ` դեպքի հանգամանքները պարզվում են։
Ոստիկանության ծառայողների ձեռնարկած միջոցառումների արդյունքում պարզվել էր, որ դեպքը տեղի է ունեցել Երևանի Արմենակյան փողոցում։ Պարզվել էր նաև տեսանյութում երևացող տղամարդու ինքնությունը, որին հայտնաբերելու ուղղությամբ ձեռնարկվում էին միջոցառումներ։ Նախապատրաստվում են նյութեր:
Հիշեցնենք, որ այսօր Factor.am-ն արդեն անդրադարձել էր նշված դեպքին։ Մասնավորապես, հայտնել էինք, որ օրը ցերեկով ու հանրային վայրում՝ Նորքի սրտաբանական հիվանդանոցի մոտակայքում, տղամարդը որոշել էր, այսպես ասած, դաստիարակել տեսանյութում երևացող կնոջը։ Կինն էր, թե՝ ոչ, տեսանյութից պարզ չէ, բայց փաստ է, որ անցորդներից և դեպքի ականատեսներից միայն մեկն է համարձակվել արձանագրել կատարվածն ու հանրայնացնել։ Տեսանյութում երևում է նաև մի կին, որը փորձում է օգնել բռնության ենթարկվողին, վերջինն օգնության է կանչում մեկ այլ տղամադու, ում անունով է դիմում։ Հասկանալի է դառնում, որ տղամարդը մոտակայքում է, սակայն չի մոտենում միջադեպի վայրին։ Ի վերջո, կնոջը հաջողվում է փախչել ու նստել հենց այդ տղամարդու մեքենան։
