Քաղաքականություն
10.11.2021 | 15:53
Մոտ ապագայում Մինսկի և Մոսկվայի հարաբերությունները որակապես նոր մակարդակի կհասնեն։ Այս մասին հայտարարել է Բելառուսի արտգործնախարար Վլադիմիր Մակեյը Ռուսաստանի և Բելառուսի ԱԳ նախարարությունների կոլեգիաների նիստի ժամանակ, գրում է ՏԱՍՍ-ը։
«Մոտ ապագայում մեր պետությունների միջև դաշնակցային հարաբերությունները կհասնեն որակապես նոր մակարդակի, առաջին հերթին՝ տնտեսական առումով»,- ասել է Մակեյը։
Նա ընդգծել է, որ դրան կնպաստեն նոյեմբերի 4-ին Միութենական պետության Գերագույն պետական խորհրդի նիստում ընդունված որոշումները։
Ըստ բելառուս պաշտոնյայի՝ եթե առևտրի աճի ներկայիս միտումը շարունակվի, ապա Մինսկն ու Մոսկվան մինչև 2021 թվականի վերջը կկարողանան գերազանցել 2019 թվականի ցուցանիշները։
Տաթև Ֆռանգյան
