14.12.2024 | 19:57
Ինչ իրավիճակ է ճանապարհներին 19։35-ի դրությամբ
Քաղաքային իշխանությունը ոչ միայն չի օգնում, այլև խոչընդոտում է մեր պայքարը․ Ֆիզգորոդոկի բնակիչ․ ՏԵՍԱՆՅՈՒԹ
Հասարակություն
10.11.2021 | 11:41
«Ֆիզգորոդոկ» անունով հայտնի բնակելի թաղամասում (Ալիխանյան 6/1), որը Երևանի կանաչ թաղամասերից է, բնակելի 12 հարկանի շենքի կառուցապատման նպատակով շինարարություն է նախատեսվում, ինչին բնակիչները դեմ են, ունեն մտահոգություններ և բազմիցս բողոքի ակցիաներ են իրականացրել:
Այսօր հրավիրված հանդիպման ժամանակ «Ֆիզգորոդոկի» բնակիչ, քաղաքացիական ակտիվիստ Սեդա Գրիգորյանը նշեց, որ ինքը հայտնվել է ճնշումների թիրախում:
Նշենք, որ Ֆիզգորոդոկի շինարարության ժամանակավոր մետաղյա ցանկապատի վրա կարմիր ներկով գրության համար քրեական գործ է հարուցվել՝ որպես գույքային վնաս 100 հազար դրամի չափով:
Խուզարկություն է իրականացվել «Ֆիզգորոդոկի» բնակիչ Սեդա Գրիգորյանի տանը, փնտրել են ներկի տուփը, սակայն չի հայտնաբերվել:
«Մենք Սահմանադրությամբ քաղաքացիներին վերապահված բացառապես խաղաղ միջոցներ ենք գործարկել, այնուամենայնիվ, կառուցապատողը բազմաթիվ հայցեր է ներկայացրել՝ քրեական և ոչ քրեական: Սա ճնշում է առաջացնում…
Քաղաքային իշխանությունը ոչ միայն չի օգնում, այլև խոչընդոտում է մեր պայքարը»,-ընդգծեց Գրիգորյանը:
Մանրամասները՝ տեսանյութում:
