11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Տարեկան 200 000 դրամ` օդանավակայանից փոխադրումներ իրականացնելու լիցենզիայի համար․ նոր նախագիծ ԱԺ-ում․ ՏԵՍԱՆՅՈՒԹ
Քաղաքականություն
10.11.2021 | 11:22
ԱԺ տնտեսական հարցերի հանձնաժողովի օրակարգում էր «Ավտոմոբիլային տրանսպորտի մասին ՀՀ օրենքում փոփոխություն ու լրացում կատարելու մասին» ու կից ներկայացված օրենքի նախագծերում լրացումներ կատարելու մասին օրենքների նախագծերը:
«Տաքսոմոտորային փոխադրումներ իրականացնողների համար օդանավակայանի տարածքից փոխադրումներ իրականացնելու մրցակցային հավասար պայմաններ ստեղծելու, զբոսաշրջության տեսանկյունից հանրապետություն մուտք գործող ուղևորներին ու օտարերկրյա քաղաքացիներին մատուցվող տաքսոմոտորային փոխադրումների պատշաճ որակ ապահովելու նպատակով է մշակվել ներկայացվող նախագիծը»,- նշեց Տարածքային կառավարման և ենթակառուցվածքների նախարարի տեղակալ Արմեն Սիմոնյանը:
«Առաջարկվում է կարգավորել օդանավակայանների տարածքում մարդատար տաքսիների փոխադրումների գործընթացը. օդանավակայանի տաքսի-կայանատեղիից փոխադրումներ իրականացնելու համար սահմանել «Ա» տիպի լիցենզիայի պահանջ, որի պետական տուրքը տարեկան նախատեսվում է 200 հազար դրամ, սահմանել օդանավակայանի տաքսի ծառայություն մատուցող տրանսպորտային միջոցների կահավորմանը, արտաքին տեսքին ու տարիքային սահմանափակմանը ներկայացվող պահանջներ»,- նշեց փոխնախարարը:
Նա նաև հավելեց, որ իրավախախտումների դեպքում, եթե առանց լիցենզիա օդանավակայանի կայանատեղիից փոխադրումներ իրականացնեն, կտուգանվեն նվազագույն աշխատավարձի հիսունապատիկի չափով:
Մանրամասները՝ տեսանյութում:
