17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Գյումրու փոխքաղաքապետի անունը կապել իմ ընտանիքի անդամի հետ՝ անհիմն է․ Նազելի Բաղդասարյան. ՏԵՍԱՆՅՈՒԹ
Քաղաքականություն
09.11.2021 | 15:49
Շիրակի նորանշանակ մարզպետ Նազելի Բաղդասարյանն այսօր, անդրադառնալով Գյումրու ՏԻՄ ընտրություններում ՔՊ-ի ավագանու ցուցակի երկրորդ համարը զբաղեցնող եղբորը՝ Արման Բաղդասարյանին, Գյումրու փոխքաղաքապետի պաշտոնում նշանակելու խոսակցություններին, դրանք անհիմն ու անտեղի համարեց։
«Նախևառաջ , Արման Բաղդասարյանը, լինելով անհատ, ինքն է պատրաստակամություն հայտնել լինել ՏԻՄ գործընթացում, բայց որևէ կերպ հավականություն չունենալով փոխքաղաքապետի պաշտոնին, ինչը շատ և շատ անգամներ շահարկվում էր։ Անգամ շահարկումներ կային խմբակցության ղեկավարի պաշտոնի մասով, չթաքցնեմ` առաջարկություն եղել է, Արման Բաղդասարյանը հրաժարվել է։
Այնպես որ փոխքաղաքապետի անունը կապել իմ ընտանիքի անդամի հետ, դա այս պահին անտեղի և անհիմն է։ Միգուցե ընտրությունների այլ ելքի պարագայում, եթե ես չլինեի Շիրակի մարզպետ, ինչ-որ այլ քննարկումների տեղիք լիներ, բայց նախապես որևէ պայմանավորվա ծություն, բնականաբար, չի եղել», -ասաց Շիրակի նորանշանակ մարզպետը։
Նա նաև հայտնեց, որ այս դեպքում, երբ ինքը մարզպետի պաշտոնն է զբաղեցնում, նման նշանակումը շահերի բախում կառաջացնի, իսկ դա իր համար անընդունելի է, երբեք նման քայլի չի գնա։
