16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Հանրայինի տնօրենը՝ ՏԻՄ ընտրություններին քաղաքական բանավեճեր կազմակերպելու մասին․ ՏԵՍԱՆՅՈՒԹ
Քաղաքականություն
08.11.2021 | 17:22
ՏԻՄ ընտրությունների նախաշեմին Հանրայինի կողմից ավագանու թեկնածուների մասնակցությամբ կազմակերպվելիք բանավեճի համար կա՞ն ֆինանսական հատկացումներ: ԱԺ գիտության, կրթության, մշակույթի, սփյուռքի, երիտասարդության եւ սպորտի ու ֆինանսավարկային և բյուջետային հարցերի մշտական հանձնաժողովների համատեղ նիստում Հանրային հեռուստաընկերության գործադիր տնօրեն Հովհաննես Մովսիսյանը, անդրադառնալով այս հարցին՝ նշեց. «Միջազգային գործընկերների աջակցությամբ խորհրդարանական ընտրությունների ժամանակ հաջողությամբ իրականացրինք բանավեճեր:
Գյումրիում ՏԻՄ ընտրությունների ժամանակ ևս միջազգային գործընկերների աջակցությամբ կատարվեցին հիմնական ծախսերը: Առաջիկայում համայնքների խոշորացման արդյունքում մենք պարտավոր ենք 70 հազարից ավելի բնակիչ ունեցող համայնքներում ընտրությունների ժամանակ բանավեճ իրականացնել: Վանաձորում և Արտաշատում առաջիկայում պարտավոր ենք բանավեճեր կազմակերպել, դա նույնպես կիրականացվի մեր միջազգային գործընկերների աջակցությամբ և այսքանով այս ծրագիրը կավարտվի: Առաջիկայում պետք է հասկանանք, թե նման բանավեճերի իրականացումն ինչպես է կատարվելու. սա ֆինանսական ծախսեր է ենթադրում»:
Մանրամասները՝ տեսանյութում:
