16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Լիտվան զորք է ուղարկել Բելառուսի հետ սահման․ Վարշավան հայտարարել է Լեհաստանի տարածք ուժով ներխուժելու ամենազանգվածային օպերացիայի մասին
Քաղաքականություն
08.11.2021 | 16:59
Լիտվան զորքեր է ուղարկում Լեհաստանի և Բելառուսի հետ սահման՝ ներգաղթյալների հոսքի պատճառով։ Այս մասին գրում է ՌԻԱ Նովոստին՝ հղում կատարելով երկրի ՆԳՆ-ին։
«Լիտվայի ներքին գործերի նախարարության ղեկավար Ագնե Բիլոտաիտեն հայտնել է, որ Լիտվան զորք է ուղարկում Լեհաստանի և Բելառուսի հետ սահման»,- ասված է հաղորդագրությունում։
Նախարարը նաև հայտարարել է, որ կառավարությունը կքննարկի այդ տարածաշրջանում արտակարգ դրություն մտցնելու հարցը։
Իր հերթին, Լեհաստանի իշխանություններն արդեն հակաճգնաժամային շտաբ են ձևավորել՝ փախստականների հետ կապված իրավիճակի պատճառով։ Վարշավայում Մինսկին մեղադրել են փախստականներին սահման ուղղորդելու համար։
Երկրի իշխանությունները պնդում են, որ սա կդառնա «Լեհաստանի տարածք ուժով ներխուժելու ամենազանգվածային» օպերացիան։ Բանակը գտնվում մարտական բարձր պատրաստվածության վիճակում։ Ընդ որում, Լեհաստանի սահմանապահ ծառայության ներկայացուցիչը հայտարարել է, որ Բելառուսի ուժայինները նրանց ուղղորդում են ոչ թե դեպի անցակետ, այլ անտառներ։
Հիշեցնենք, որ ավելի վաղ համացանցում տեսանյութեր էին հայտնվել, որոնցում երևում էր, որ Բելառուսում ներգաղթյալների շարասյունը շարժվում է դեպի Լեհաստանի հետ սահման։
Տաթև Ֆռանգյան
