08.06.2026 | 23:25
24 ժամ ջուր չի լինի Կոտայքի մարզի մի շարք հասցեներում
Ալիևը կնոջ հետ այցելել է հայկական Շուշի․ Վարանդայում էլ նրանք բացել են «Հաղթանակի ճանապարհը»․ ԼՈՒՍԱՆԿԱՐՆԵՐ
Քաղաքականություն
08.11.2021 | 12:55
Ադրբեջանի նախագահ Իլհամ Ալիևը կնոջ՝ Մեհրիբան Ալիևայի հետ նախօրեին այցելել է Արցախի գրավյալ հայկական Շուշի քաղաք, գրում են ադրբեջանական լրատվամիջոցները։
Ալիևները նախ մասնակցել են Վարանդայում, այսպես կոչված, «Հաղթանակի ճանապարհի» բացմանը։ Ճանապարհը 101 կմ է, սկսվում է Հաջիկաբուլ-Միջնավանից և հասնում Շուշի։ Այն անցնում է
Արցախի գրավյալ Վարանդայի, Հադրութի, Շուշիի շրջաններով, ներառում է Վարանդա ու Շուշի քաղաքները։
Այնուհետ, Արցախի գրավյալ Քարին տան գյուղում Ալիևները մզկիթի հիմքն են դրել, ինչպես նաև մասնակցել Շուշիի ռադիոհեռարձակման աշտարակի և Շուշիի քաղաքային հիվանդանոցի հիմնարկեքին։
Իլհամ Ալիևն ու կինը նաև ծանոթացել են Գյովհար Աղայի Վերին մզկիթի ու Մեհմանդարովների տան վերականգնողական աշխատանքներին։
Բացի այդ, Շուշիում Ալիևները հանդիպել են Բաքվի 8-րդ գլոբալ ֆորումի մասնակիցների հետ։ Նշենք, որ նախօրեին Ադրբեջանի իշխանությունները կազմակերպել էին ֆորումի մի խումբ մասնակիցների այցը հայկական քաղաք։ Նախ նրանք Բաքվից մեկնել են Վարանդայի օդանավակայան, այնտեղից էլ ավտոբուսով՝ Շուշի։
Հավելենք, որ Բաքվի 8-րդ գլոբալ ֆորումը մեկնարկել էր նոյեմբերի 4-ին։
Էմմա Չոբանյան
