Քաղաքականություն
08.11.2021 | 21:47
Գերմանիայում արձանագրվել են COVID-19-ով վարակման ռեկորդային թվով դեպքեր․ 100 հազար բնակչի հաշվով՝ ավելի քան 200 վարակված։ Այս մասին հայտնում է DW-ն՝ վկայակոչելով Ռոբերտ Կոխի վարակիչ հիվանդությունների ինստիտուտի տվյալները։
Նոր դեպքերի այս ցուցանիշը կորոնավիրուսային համաճարակի մեկնարկից ի վեր առավելագույնն է։ Ընդ որում, նախորդ ռեկորդային ցուցանիշը՝ 197,6, գրանցվել էր 2020 թվականի դեկտեմբերի 22-ին, պատվաստումից դեռևս շատ առաջ։
Միևնույն ժամանակ, հիվանդության նոր դեպքերը մեկ օրում հասել է ավելի քան 15 500-ի, ինչի արդյունքում վարակման ցուցանիշը կազմել է 201,1։
Հիվանդության աճ է դիտարկվում ողջ երկրում, սակայն ամենից շատ տուժել են Սաքսոնիան, Թյուրինգիան և Բավարիան։
Գերմանիայի բնակչության մոտ 67%-ը՝ գրեթե 56 միլիոն մարդ, լիովին պատվաստված է, սակայն այս թիվը տարբերվում է ըստ տարածաշրջանների:
Տաթև Ֆռանգյան
