27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Այդ ինչպե՞ս 20 հազար դրամանոց թեստը դարձավ 8 հազար դրամ. Արթուր Խաչատրյանը՝ առողջապահության նախարարին․ ՏԵՍԱՆՅՈՒԹ
Քաղաքականություն
08.11.2021 | 11:13
Սիմպտոմ ունենալու պարագայում կարող եք անվճար թեստավորվել։ Այս մասին այսօր ԱԺ առողջապահության և ֆինանսավարկային ու բյուջետային հարցերի մշտական հանձնաժողովների համատեղ նիստում, պատասխանելով ԱԺ «Հայաստան» խմբակցության պատգամավոր Արթուր Խաչատրյանի հարցին, նշեց առողջապահության նախարար Անահիտ Ավանեսյանին:
«Որ ասում եք՝ եթե մարդը վատ է զգում, պետությունը նրան ձրի թեստավորման հնարավորություն է ընձեռում, դրա մասին մի քիչ բարձր ասեք, որովհետև ես ինքս մի քանի անգամ վճարել եմ՝ վատ զգալով հանդերձ: Հիմա ի՞նչ անեմ, գնամ այդ լաբորատորիաներին դատի տա՞մ, ասե՞մ փողս հետ տվեք: Կամ ինչպե՞ս եղավ, որ անցյալ տարի այս օրը թեստը 20 000 դրամ էր, այսօր դարձել է 8 500»,- նշեց Խաչատրյանը:
Նախարար Ավանեսյանը նշեց, որ պատգամավորն ուղղակի լավ տեղեկացված չի եղել, որ նման դեպքում անվճար թեստավորվելու իրավունք ունի:
«Այո՛, սիմպտոմ ունենալու պարագայում կարող եք մոտենալ պոլիկլինիկա և անվճար թեստավորվել, ինչն արվել է COVID-ի հայտնաբերման առաջին իսկ օրերից»,- հայտարարեց Ավանեսյանը։
Նա, միաժամանակ, վստահեցրեց, որ քաղաքացիների անվճար թեստավորման իրավունքի մասին մշտապես հայտարարվել է:
Մանրամասները՝ տեսանյութում:
