07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Իրաքի վարչապետի դեմ ԱԹՍ-ներով մահափորձ է իրականացվել
Քաղաքականություն
07.11.2021 | 13:51
Իրաքի վարչապետ Մուստաֆա ալ-Քադիմիի դեմ կիրակի գիշերը երեք անօդաչու թռչող սարքերի միջոցով մահափորձ է իրականացվել Այս մասին տեղեկացնում է Al Jazeera-ի անգլալեզու ծառայությունը՝ հղում անելով երկրի ՆԳՆ-ին:
Գերատեսչությունից հայտնել են, որ ոչնչացվել է երկու անօդաչու թռչող սարք։
Նշվում է նաև, որ Ալ Քադիմիին ոչինչ չի եղել, սակայն վարչապետի անվտանգության ծառայությունից Reuters-ին հայտնել են, որ հարձակման ընթացքում նրա անձնական պաշտպանության ծառայության 6 աշխատակից է վիրավորվել։
Կայքը գրում է նաև, որ վարչապետի նստավայրը գտնվում է Բաղդադի լավ ամրացված «կանաչ գոտում», որտեղ տեղակայված են օտարերկրյա դեսպանատներն ու պետական կառույցները։
Ներկայումս Քադիմին գտնվում է անվտանգ վայրում։ Նա իր թվիթերյան էջում ավելի ուշ գրել է․ «Փառք Աստծո, ինձ հետ ամեն ինչ կարգին է։ Բոլորին զգոնության ու հանգստության կոչ եմ անում՝ հանուն Իրաքի։
