11.10.2026 | 14:46
Այսօր աղջիկ երեխաների միջազգային օրն է
Անկուսակցական Մհեր Գրիգորյանի աշխատասենյակում Փաշինյանի լուսանկարը ևս փակցված է
Քաղաքականություն
05.11.2021 | 22:11
ՀՀ փոխվարչապետ Մհեր Գրիգորյանը ևս իր աշխատասենյակում փակցրել է Հայաստանի վարչապետ Նիկոլ Փաշինյանի լուսանկարը: Այս տեղեկությունը, Factor.am-ի հարցին ի պատասխան, հայտնեցին փոխվարչապետի գրասենյակից:
Factor.am-ի մյուս հարցին՝ արդյոք Մհեր Գրիգորյանը համալրել է Փաշինյանի հիմնադրած «Քաղաքացիական պայմանագիր» կուսակցության շարքերը, գրասենյակից բացասական պատասխան փոխանցեցին՝ նշելով, որ փոխվարչապետն անկուսակցական է:
Հիշեցնենք՝ Մհեր Գրիգորյանը հեղափոխական թիմում հայտնվեց 2018 թվականին, երբ ԲՀԿ-ն եւ ՀՅԴ-ն Նիկոլ Փաշինյանի հետ համաձայնությամբ կառավարություն ձևավորեցին: Նույն թվականի հոկետեմբերի 2-ին ՀՅԴ-ականներին և ԲՀԿ-ականներին Փաշինյանը հեռացրեց կառավարությունից, իսկ Մհեր Գրիգորյանը, որը փոխվարչապետի պաշտոնը ստանձնել էր ԲՀԿ-ի քվոտայով, հայտարարեց, թե պատրաստ է շարունակել աշխատել Փաշինյանի հետ:
ՔՊ-ականները Փաշինյանի նկարի առկայությունն իրենց աշխատասենյակներում հիմնավորում են նրանով, որ վերջինս իրենց քաղաքական առաջնորդն է: Այժմ անհասկանալի է, թե անկուսակցական փոխվարչապետն ինչու է իր սենյակում Նիկոլ Փաշինյանի լուսանկարը փակցրել, երբ ՀՀ Սահմանադրությամբ` երկրի ղեկավարի լուսանկարը փակցնելու պահանջ չկա:
Կարդացեք նաև՝ Ո՞ւր մնաց «շեֆի նկարը պատերին չկախելու»՝ Փաշինյանի խոստումը. հեղափոխական արժեքներից՝ անձի պաշտամունք. ՏԵՍԱՆՅՈւԹ
Նարեկ Կիրակոսյան
