11.10.2026 | 14:46
Այսօր աղջիկ երեխաների միջազգային օրն է
Թուրքիան նոր տուրբոռեակտիվ շարժիչներ է մշակելու թևավոր հրթիռների համար
Քաղաքականություն
05.11.2021 | 21:43
Թուրքիայի նախագահի աշխատակազմին կից ռազմարդյունաբերության վարչությունն ու Kale Arge պաշտպանական ընկերությունը պայմանագիր են ստորագրել նոր՝ ARAT տուրբոռեակտիվ շարժիչի մշակման և արտադրության համար։ Այս մասին գրում է «Անադոլու» գործակալությունը։
Ստորագրման արարողությունը տեղի է ունեցել Թուրքիայի ռազմարդյունաբերական վարչության շենքում։ Հայրենական ARAT շարժիչն իր պարամետրերով գերազանցում է տուրբոռեակտիվ KTJ3200 շարժիչին, որով ներկայում հագեցած են թուրքական SOM և Atmaca թևավոր հրթիռները։
Ռազմարդյունաբերության վարչության ղեկավար Իսմայիլ Դեմիրը հայտարարել է, որ Թուրքիան պետք է որոշիչ քայլեր ձեռնարկի՝ իր պաշտպանական հզորության ամրապնդման համար։
«Պաշտպանական տեխնոլոգիաների ու զինամթերքի ներկրումից հրաժարումը դժվար գործընթաց է։ Մենք ստիպված ենք բարձր գին վճարել ինչպես ֆինանսական, այնպես էլ ժամանակի առումով։ Հնարավոր է՝ մենք կնախընտրեինք զինամթերքի գնումը, այս դեպքում քիչ գումար կծախսեինք։ Եթե իսկապես ուզում ենք դառնալ համաշխարհային տերություն և, չնայած ճնշումներին ու պատժամիջոցներին, պաշտպանել մեր ազգային շահերը, ապա հայրենական պաշտպանական արդյունաբերության զարգացումը միակ հնարավոր ճանապարհն է»,- ասել է նա։
Էմմա Չոբանյան
