29.06.2026 | 14:44
Իսրայելը որպես պետություն չի ճանաչել և վստահ եմ՝ չի էլ ճանաչելու Հայոց ցեղասպանությունը. Չերնամորյան. ՏԵՍԱՆՅՈՒԹ
Ի՞նչ ճակատագրի են արժանացել COVID-19-ի պատճառով սահմանափակումների ենթարկված 2020/2021-ի «Գրին քարտը» շահած քաղաքացիները․ պարազաբանում ԱՄՆ դեսպանատնից
Քաղաքականություն
05.11.2021 | 20:15
ԱՄՆ Պետքարտուղարությունը բարեխղճորեն ջանացել է Բազմազանության վիզաների (Green Card) խաղարկության DV2020/DV2021 ծրագրով շահած անձանց հնարավորինս շատ դիմումների ընթացք տալ, սակայն մենք գիտակցում ենք, որ ռեսուրսների և COVID-19-ի համավարակով պայմանավորված սահմանափակումների և առանձին երկրներում տիրող իրավիճակի հետևանքով շատերին չենք կարողացել հրավիրել բազմազանության վիզայի հարցազրույցի։ Factor.am-ին այսպես են պատասխանել Հայաստանում ԱՄՆ դեսպանատնից՝ անդրադառնալով 2020թ․ Բազմազանության արտոնագրի (DV2020) ծրագրի մասնակիցների նկատմամբ սահմանափակումներին։
Նշենք, որ 2020թ․ Բազմազանության արտոնագրի (DV2020) ծրագրին մասնակցած և շահած ՀՀ քաղաքացիները, որոնք COVID-19–ով պայմանավորված չեն կարողացել օգտվել ՀՀ-ում ԱՄՆ դեսպանատուն մուտք գործելու հնարավորությունից, խնդրել էին լրատվամիջոցի միջոցով պարզաբանել, թե ի՞նչ ճակատագիր է սահմանված DV2020-ը շահած, բայց համավարակի պատճառով սահմանափակումների արժանացած քաղաքացիների համար, արդյո՞ք նրանք դեռ ունենալու են հնարավորություն՝ օգտվել արտոնագրից, դեսպանատունը նախատեսո՞ւմ է նրանց հետ հանդիպում առաջիկայում։
Քաղաքացիներին հետաքրքրել էր, թե իրենք կարո՞ղ են մասնակցել 2023 թվականի Բազմազանության արտոնագրի ծրագրին, արդյո՞ք դա խնդիր չի առաջացնի հետագայում նրանց համար՝ դեսպանատանը DV2020 թվականի վիզայի հնարավոր քննարկման ժամանակ։
Դեսպանատան կողմից ներկայացված ամբողջական պատասխանը ներկայացնում ենք ստորև․
«Պետքարտուղարությունը բարեխղճորեն ջանացել է Բազմազանության վիզաների խաղարկության DV2020/DV2021 ծրագրով շահած անձանց հնարավորինս շատ դիմումների ընթացք տալ, սակայն մենք գիտակցում ենք, որ ռեսուրսների և COVID-19-ի համավարակով պայմանավորված սահմանափակումների և առանձին երկրներում տիրող իրավիճակի հետևանքով շատերին չենք կարողացել հրավիրել բազմազանության վիզայի հարցազրույցի։
Բազմազանության վիզաների խաղարկության DV2020/DV2021 ծրագրով ներգաղթային վիզաների տրամադրման վերջնաժամկետը 2021թ․ սեպտեմբերի 30-ն էր, և օրենսդրության համաձայն՝ այդ ժամկետից հետո շահողներին այլևս ներգաղթային վիզաներ չեն կարող տրամադրվել։ Եթե ֆինանսաբյուջետային տարվա ավարտին, այսինքն՝ սեպտեմբերի 30-ին, շահողը դեռևս չի ստացել իր ներգաղթային վիզան, ապա խաղարկությամբ նրա ձեռք բերած այդ արտոնությունը չի կարող փոխադրվել հաջորդ տարի»։
Հռիփսիմե Հովհաննիսյան
