08.08.2026 | 18:48
Խաղաղությունն ու բարգավաճումը փոխկապակցված են. Ռուբիոն՝ Հայաստանի և Ադրբեջանի տնտեսական հնարավորությունների մասին
Տիգրանաշենի առանձնատունս ես եմ սարքել, վրաս նստել է 200 հազար դոլար. Արարատի մարզպետ․ ՏԵՍԱՆՅՈՒԹ
Հասարակություն
05.11.2021 | 17:13
Արարատի մարզպետ Ռազմիկ Թևոնյանը ՏԻՄ ընտրություններում ՔՊ-ի թեկնածուների շանսերը նորմալ է գնահատում: Այս մասին նա նշեց Աժ-ում լրագրողների հետ զրույցում:
Լրագրողի հարցին, թե ինչ էր պատճառը, որ ժամանակին հրաժարական տվեց մարզպետի պաշտոնից, ապա փոշմանեց, Թևոնյանը պատասխանեց. «Պատճառը դու էիր»:
Անդրադառնալով դիտարկմանը, որ տարբեր խոսակցությունների համաձայն՝ հնարավոր է Տիգրանաշեն գյուղը փոխանցվի Ադրբեջանին, և այդ գյուղում նա աձանձնատուն ունի, մարզպետը նշեց. «Բա որ էդքան բանը գիտես, ինչի ես ինձ տենց հարց տալիս: Այսինքն՝ էդ բանը չի կարա լինի: Նման հարց չի եղել և չի լինելու: Հանգստացա՞ք:
Համայնքը չի դատարկվում: Վերջերս մի մարդ եկել էր Վայքից, որ տուն առներ Տիգրանաշենում, Երևանի տների գին ասեցին: Տիգրանաշենում բոլոր մարդիկ ապրում են, լրիվ պայմանները կան ապրելու և ապրելու են…
Իմ առանձնատունը իմ վրա նստել է 200 հազար դոլար: Սարքել եմ 1997 թվականին»:
Անդրադառնալով հարցին, թե ինքն էլ է՞ բարձր գնով վաճառելու, Թևոնյանը պատասխանեց. «Ես էնտեղ ծախելու չունեմ: Մյուս անգամ անտակտ հարցեր չտաս»:
Մանրամասները տեսանյութում:
