11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
Ֆրանսիայի հարավում գրանցված անկարգությունների ժամանակ մեկ ոստիկան լուրջ վնասվածք է ստացել
Քաղաքականություն
05.11.2021 | 18:51
Ֆրանսիայում մեկ ոստիկան աչքի լուրջ վնասվածք է ստացել զանգվածային անկարգությունների ժամանակ, որոնք անցած գիշեր տեղի են ունեցել Ֆրանսիայի հարավում՝ Ֆրեժյուս կոմունայում, գրում է BFM-ը։
Ըստ այդ տվյալների՝ անկարգությունները գրանցվել են Գաբել թաղամասում՝ տեղի ժամանակով 22։40-ի սահմնաններում, և շարունակվել են ավելի քան 3 ժամ։ Վանդալներն այրել են մի քանի էքսկավատոր ու մի քանի ավտոմեքենա, ինչպես նաև աղբամաններ։
Դեպքի վայր ժամանած ոստիկանները քարերով ու Մոլոտովի կոկտեյլներով հարձակման են ենթարկել։ Տեղի ոստիկաններին օգնության են հասել Տուլոնից ու Դրագինյանից իրավապահներ։ Երկու մարդ ձերբակալվել է։
Նշված շրջանը պարբերաբար դառնում է իրավապահների հետ բախումների վայր։ Հոկտեմբերի կեսերին ոստիկանները մի քանի անգամ ստիպված են եղել գազային նռնակներ ու ռետինե փամփուշտներ կիրառել՝ ագրեսիվ տրամադրված քաղաքացիներից պաշտպանվելու համար։ Նախնական տվյլաներով՝ հարձակումները սկսվել են հակաթմրանյութային շրջայցից և թմրանյութերի տարածման մեջ կասկածվող մի քանի մարդու ձերբակալությունից հետո։ Նման բախումներ էին գրանցվել նաև այս գարնանը, այն ժամանակ ևս մի քանի ոստիկան էր վիրավորվել։
Տաթև Ֆռանգյան
