19.12.2025 | 17:00
Գևորգ Կոստանյանին ՀՀ-ին հանձնելու նոր միջնորդություն է ուղարկվել ՌԴ
Աբովյանի ընտրություններին գնում ենք հաղթելու մղումով. Ռոմանոս Պետրոսյան․ ՏԵՍԱՆՅՈՒԹ
Քաղաքականություն
05.11.2021 | 15:13
«Որևէ մեկն իրավունք չունի քաղաքը թողնել որևէ մեկին, այն Աբովյանի քաղաքացուն է պատկանում»,- լրագրողների հետ ճեպազրույցում այսօր ասաց Կոտայքի նախկին մարզպետ, ՔՊ վարչության անդամ Ռոմանոս Պետրոսյանը՝ անդրադառնալով հարցին, թե Աբովյանում առաջիկայում սպասվելիք ՏԻՄ ընտրություններում քաղաքական պայմանավորվածություն կա՞ Աբովյան քաղաքը ԲՀԿ առաջնորդ Գագիկ Ծառուկյանին «թողնելու» մասին։
Պետրոսյանը նշեց, որ որպես ՔՊ-ի Աբովյանի տարածքային կառույցի և կուսակցության վարչության անդամ՝ այս անգամ ևս ներգրավված է ՏԻՄ գործընթացներում. «Մեր թեկնածուն վարչության որոշմամբ է առաջադրվել։ 60 հոգանոց ավագանու ցուցակ ենք ներկայացրել, իսկ թեկնածուն՝ Պավել Ցուգունյանը, դեռևս 2017թ․-ից մեր շտաբի պետն է եղել Աբովյանում։ Այսինքն, մեր թեկնածուի ընտրությունը պայմանավորված է բացառապես ինստիտուցիոնալ որոշմամբ»։
Պետրոսյանն ընդգծեց, որ նախորդ ընտրություններում պարտվել են, բայց դասեր քաղելով՝ առաջ են շարժվում. «Մենք գնում ենք հաղթելու վճռականությամբ և ունենք բոլոր նախադրյալները՝ դրան հասնելու համար»։
Մանրամասները՝ տեսանյութում:
