05.11.2026 | 23:08
Հայերը մեկ քայլով մոտեցան ԵՄ առանց վիզայի ճամփորդելու հնարավորությանը․ Մարթա Կոսը՝ նոր անձնագրերի մասին
Վիետնամում 18 նորածնի սխալմամբ կորոնավիրուսի դեմ են պատվաստել
Քաղաքականություն
05.11.2021 | 14:59
Վիետնամի մայրաքաղաք Հանոյում սխալմամբ Pfizer և BioNTech ընկերության կորոնավիրուսի դեմ պատվաստանյութով են պատվաստել 2-ից 6 ամսական 18 երեխայի, գրում է Vietnam News-ը։
Հանոյի առողջապահական մարմինների տվյալներով՝ միջադեպը գրանցվել է այս շաբաթ, քաղաքի շրջաններից մեկում։ Այն բանից հետո, երբ մայրաքաղաքի առողջապահության վարչությունն իմացել է սխալ պատվաստման մասին, երեխաները տեղափոխվել են հիվանդանոց՝ հետազոտման և բուժման նպատակով։
Ըստ Հանոյի ազգային մանկական հիվանդանոցի մասնագետների՝ պատվաստված նորածինների վիճակը կայուն է։ Նրանց մի մասի մոտ պատվաստումից հետո բարձրացել է ջերմությունը, իսկ ներարկման հատվածը՝ կարմրել և այտուցվել, չնայած սրանք պատվաստման սովորական հետևանքներ են։
Տաթև Ֆռանգյան
