15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ուկրաինայում ՋԷԿ-երի էներգաբլոկների կեսից ավելին դադարել է գործել
Քաղաքականություն
05.11.2021 | 23:17
Նոյեմբերի 4-ի դրությամբ՝ Ուկրաինայում ՋԷԿ-երի էներգաբլոկների կեսից ավելին չի գործում։ «Նաշ» հեռուստաալիքի եթերում այս մասին ասել է Գերագույն ռադայի «Բատկիվշչինա» կուսակցությունից պատգամավոր, բյուջետային հարցերով հանձնաժողովի նախագահի տեղակալ Իվան Կրուլկոն, գրում է ՌԻԱ Նովոստին։
«Մենք ունենք ՋԷԿ-երի 88 էներգաբլոկ, որոնց արտադրած էլեկտրաէներգիան հավասարակշռում է ատոմային էներգետիկան։ Այսօրվա դրությամբ՝ 88 էներգաբլոկներից 37-ն է գործում, 51-ը չի գործում։ Դրանց կեսը չի գործում, այսպես կոչված, վթարային հայցով։ Դա վառելիքի պակասն է։ Այսինքն՝ պատրաստ են, բայց չեն գործում»,- ասել է խորհրդարանականը։
Նրա խոսքով, պետական սեփականություն հանդիսացող «Տրիպիլսկա» ՋԷԿ-ը՝ Կիևի տարածաշրջանի ամենահզոր էլեկտրակայանը, դադարեցրել է աշխատանքը՝ ածխի մատակարարումների նվազման պատճառով։
«Սա լուրջ խնդիր է, ի՞նչ ենք անելու այս իրավիճակում, երբ, Աստված մի արասցե, հոսանքի բացակայության պատճառով սկսվեն հովհարային հոսանքազրկումներ, այդ թվում՝ հիվանդանոցներում»,- զգուշացրել է պատգամավորը։
Ավելի վաղ «Ուկրէներգո» ընկերությունը հայտնել էր, որ Ուկրաինան ստիպված է եղել որպես վթարային օգնություն օգտվել Բելառուսի էներգահամակարգից, որի մոտավոր ծավալը կազմել է մոտ 3500 ՄՎտ/ժ։
Տաթև Ֆռանգյան
