Նախարար դառնալուց հետո եկամուտներս կրճատվել են, բայց բավարար են սննդի համար. Քերոբյանը՝ գնաճի մասին․ ՏԵՍԱՆՅՈւԹ

Անվանական տնտեսական աճի ցուցանիշները համընկնում են մեր կանխատեսումներին: Այս մասին Factot.am-ի հետ զրույցում նշեց Էկոնոմիկայի նախարար Վահան Քերոբյանը:

Գնաճը մեր կանխատեսածից բարձր է ստացվել: Դա արդեն անհանգստացնում է մեզ և Կենտրոնական բանկին: Կատարված աշխատանքը նախատեսված է, որ ժողովուրդը լավ ապրի, բայց գնաճը շատ է խանգարում:

Ո՞վ պետք է զսպի գնաճը: Նախարարի դիտարկմամբ՝ թե՛ ԿԲ-ի, թե՛ կառավարության գործիքակազմը շատ քիչ են համաշխարհային գնաճը զսպելու համար: «Համաշխարահային գներ են, բորսայական գներ են, և եթե համաշխարհային շուկայում նավթի գինը բարձրանում է, դա չի կարող չանդրադառնալ Հայաստանում, օրինակ, բենզինի գների վրա:

Քերոբյանի կարծիքով՝ ապաշրջափակման արդյունքում որոշ ոլորտներ խիստ կտուժեն, որոշ ոլորտներ էլ կշահեն: Խնդիրն այն է, որ ապաշրջափակումը պետք է լինի սիմետրիկ, եթե այն լինի միակողմանի, վնասակար կլինի մեր տնտեսության համար:

Անդրադառնալով հարցին, թե գնաճը, առաջին անհրաժեշտության ապրանքների թանկացումն ինչ ազդեցություն է ունեցել անձամբ իր գրպանի վրա, նախարարը նշեց. «Նախարար դառնալուց հետո իմ եկամուտները մի քանի անգամ կրճատվել են, բայց բավարար են սննդի կամ ընթացիկ կյանքը ապահովելու համար:

Մեր բոլոր ջանքերն ուղղված են այն մարդկանց կյանքը բարելավելուն, ովքեր խիստ են տուժում գնաճից»:

Քերոբյանը վստահեցրեց, որ թեև իր եկամուտները նվազել են, այնուամենայնիվ, չի զղջում, որ ստանձնել է նախարարի պաշտոնը. «Ես ծառայում եմ իմ ժողովրդին և դա ինձ հաճույք է պատճառում»:

Մանրամասները՝ տեսանյութում: