23.08.2026 | 11:39
Քաղաքացին մոտ 6 մետր բարձրությունից ընկել է գետափնյա հատված․ ՆԳՆ
ԵԽ-ում ՀՀ դեսպանը հրաժեշտի հանդիպում է ունեցել գլխավոր քարտուղարի հետ
Քաղաքականություն
04.11.2021 | 18:44
Դիվանագիտական առաքելության ավարտի կապակցությամբ Եվրոպայի խորհրդում (ԵԽ) ՀՀ մշտական ներկայացուցիչ, դեսպան Պարույր Հովհաննիսյանը հանդիպել է Եվրոպայի խորհրդի գլխավոր քարտուղար Մարիա Պեյչինովիչ Բուրիչի հետ։ Այս մասին տեղեկացնում է ԱԳՆ մամուլի ծառայությունը։
Երկուստեք նշելով Հայաստան-ԵԽ հարաբերությունների զարգացումը՝ գլխավոր քարտուղար Բուրիչը և դեսպան Հովհաննիսյանը գոհունակություն են հայտնել Հայաստանի ու ԵԽ միջև հաստատված բազմոլորտ համագործակցության կապակցությամբ և վստահություն հայտնել, որ արդյունավետ փոխգործակցությունը հետագա զարգացում կունենա:
Դեսպան Հովհաննիսյանը բարձր է գնահատել ԵԽ կողմից տրամադրվող աջակցությունը` Հայաստանում ժողովրդավարական բարեփոխումների, օրենքի գերակայության ապահովման, մարդու իրավունքների պաշտպանության գործում: Առանձնակի կարևորվել է ԵԽ-Հայաստան 2019-2022թթ․ Գործողությունների ծրագրի կյանքի կոչումը:
Անդրադառնալով Արցախում ստեղծված հումանիտար ճգնաժամի հաղթահարման հարցերին՝ դեսպան Հովհաննիսյանն ընդգծել է ԵԽ իրավասու մարմինների ներգրավվածության կարևորությունը։
Հանդիպման ավարտին ԵԽ գլխավոր քարտուղարը շնորհակալություն է հայտնել դեսպան Հովհաննիսյանին Եվրոպայի խորհրդում իր դիվանագիտական առաքելության ընթացքում ծավալած արգասաբեր գործունեության և ՀՀ-ԵԽ հարաբերությունների առավել ընդլայնման ու խորացման գործում ունեցած ավանդի համար և հաջողություն մաղթել հետագա գործունեության մեջ:
Դեսպան Հովհաննիսյանն իր հերթին նշել է, որ իր համար մեծ պատիվ էր աշխատել և իր ներդրումն ունենալ Հայաստան-ԵԽ հարաբերությունների զարգացման և ընդլայնման գործում։
