11.08.2026 | 22:04
Օգոստոսի 15-ը ռիսկայի՞ն կլինի Եվրոպայի համար․ Բրյուսելն ու Մադրիդը զգուշացնում են Սեուտա անօրինական մուտք գործել ցանկացողներին
Մեծ Բրիտանիան դարձել է առաջին երկիրը, որը հավանություն է տվել COVID-19-ի բուժման համար առաջին դեղահաբին
Քաղաքականություն
04.11.2021 | 20:36
Մեծ Բրիտանիան պայմանական թույլտվություն է տվել Merck ընկերության կորոնավիրուսի դեմ հակավիրուսային դեղամիջոցի կիրառմանը՝ առաջին դեղահաբին, որը COVID-19-ի բուժման ընթացքում դրական ազդեցություն է ցույց տվել: Բրիտանիան առաջինն է հավանություն տվել այս դեղահաբին բուժման համար, թեև դեռ պարզ չէ, թե երբ այն կլինի հասանելի, գրում է CBS News-ը։
Բրիտանիայի Դեղամիջոցները կարգավորող գործակալությունը հավանություն է տվել ամերիկյան Merck ընկերության կողմից մոլնուպիրավիր դեղամիջոցի կիրառմանը երկրի չափահաս բնակչության շրջանում։
Համաձայն Merck-ի կողմից հրապարակված մամուլի հաղորդագրության՝ մոլնուպիրավիրը հաստատված է «մեղմ և միջին ծանրության COVID-19 հիվանդության բուժման համար այն մեծահասակների մոտ, որոնց SARS-CoV-2-ի թեստը դրական է և ունեն հիվանդության ծանր ընթացքի առնվազն մեկ ռիսկի գործոն»: Մոլնուպիրավիրը պետք է խմել 5 օր, օրը երկու անգամ։
Հակավիրուսային հաբը, որը նվազեցնում է ախտանիշները և արագացնում վերականգնումը, կարող է բեկումնային լինել՝ թեթևացնելով հիվանդանոցներում դեպքերի ծանրաբեռնվածությունը և օգնելով զսպել բռնկումները փխրուն առողջապահական համակարգերով աղքատ երկրներում: Դա նաև կխթանի համաճարակի նկատմամբ երկկողմանի մոտեցումը՝ բուժում դեղորայքի միջոցով և կանխարգելում, հիմնականում՝ պատվաստումների միջոցով:
Տաթև Ֆռանգյան
