18.12.2025 | 23:24
ՀՀ տարածքում ավտոճանապարհները հիմնականում անցանելի են
Խայտառակություն է․ 82 միլիոնն ինչ է, որ այդքան արտահանենք․ Խաչատուր Սուքիասյան. ՏԵՍԱՆՅՈՒԹ
Տնտեսություն
04.11.2021 | 17:04
«Ունենք ԵԱՏՄ, ունենք դեսպանատներ, արդյո՞ք չենք գիտակցում, որ այդ դեսպանատները մի քիչ այլ կարգավիճակով պետք է աշխատեն, որովհետև խոսքը խոր ինտեգրման մասին է: Այս մասին այսօր ԱԺ տարածաշրջանային և եվրասիական ինտեգրման հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում Բյուջե- 2022–ի քննարկման ժամանակ այս հարցը բարձրաձայնեց «Քաղաքացիական պայմանագիր» խմբակցության պատգամավոր Խաչատուր Սուքիասյանը:
«Դեսպանատների աշխատանքի բաղադրիչների մեծ մասը ավելի շատ պետք է տնտեսական լինի, որոնողական, թե որ կառույցները համագործակցեն, որպեսզի ինտեգրացիան ստացվի և ունենանք արտահանում և ներմուծում: Նոր պայմաններ են ստեղծվում ԵՏՄ-ում:
Մեր արտաքին քաղաքական համակարգը գիտակցո՞ւմ է, որ օրինակ Բելառուսում, Ղազախստանում դիվանագիտական աշխատանք պետք է իրականացվի ամեն օր, թե հայաստանյան և այդ երկրների որ կառույցների համագործակցությունն արդյունավետ կլինի: Նոր ձևով պետք է շարժվենք:
40 միլիոնից արտահանումը դեպի Բելառուս դարձել է 82 միլիոն: Մինչդեռ միայն մեկ ընկերություն պետք է այդ չափով արտահանի կամ ներմուծի: Խայտառակություն է: 82 միլիոնն ի՞նչ է: Նոր հարթակներ պետք է օգտագործել, նոր մասնագետներ ներգրավել»,- նշեց Խաչատուր Սուքիասյանը:
Մանրամասները՝ տեսանյութում:
