22.04.2026 | 21:01
Մարտին Պողոսյանը՝ ծանրամարտի Եվրոպայի առաջնության բրոնզե մեդալակիր
Ունենալու ենք մահեր, ծանր դեպքեր, մինչև որ չլինեն պատշաճ քանակով պատվաստվածներ. Նարեկ Զեյնալյան. ՏԵՍԱՆՅՈՒԹ
Հասարակություն
04.11.2021 | 17:15
Օրական ունենում ենք կորոնավիրուսից 60-65 մահվան դեպք: Սա, իհարկե, դժբախտություն է, և ամենևին էլ բժիշկների մեղքով չէ, բժիշները տիրապետում են բուժման սխեմաներին: Factor.am-ի հետ զրույցում այս մասին նշեց «Քաղաքացիական պայմանագիր» խմբակցության պատգամավոր Նարեկ Զեյնալյանը:
«Յուրաքանչյուրս պետք է ունենանք գիտակցության բարձր մակարդակ և պատասխանատվության զգացում և գնանք պատվաստման, որովհետև այս խնդրի միակ լուծումը պատվաստումն է: Դժբախտաբար ունենալու ենք մահեր, ծանր դեպքեր, ծայրահեղ ծանր դեպքեր, արհեստական շնչառության սարքին միացված հիվանդներ, մինչև որ չլինեն պատշաճ քանակով պատվաստվածներ»,- զգուշացրեց պատգամավորը՝ հավելելով, որ մեր երկրում պատվաստվածների թիվը ցածր է, թեև աճում է պատվաստման տեմպը:
Զեյնալյանի խոսքով՝ անհրաժեշտ է, որ բնակչության առնվազն 80 տոկոսը պատվաստված լինի: Իսկ մյուս գործողությունները՝ սահմանափակումները ընդամենը ժամանակավոր կիրառվող գործիքներ են:
«Առողջապահական համակարգը բավականին լարված, ծանրաբեռնված վիճակում է, այսօր արդեն 27 հաստատություն ներգրավված է կորոնավիրուսի բուժման պրոցեսի մեջ, այս ռեսուրսն անսպառ չէ, ամեն ինչ պետք է անել, որպեսզի առողջապահության համակարգը չհայտնվի կոլապսի մեջ»,- ընդգծեց Զեյնալյանը:
Մանրամասները՝ տեսանյութում:
