10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Կան անհետ կորածներ ու բռնի անհետացածներ․ ԱԳ փոխնախարարը հորդորեց տարբերակել. ՏԵՍԱՆՅՈՒԹ
Հասարակություն
04.11.2021 | 14:27
Ամենակարևոր զարգացումը ԵԽԽՎ կողմից սեպտեմբերի 27-ին Լեռնային Ղարաբաղի հակամարտության հումանիտար հետևանքների վերաբերյալ բանաձևի ընդունումն էր, որտեղ կարևոր արձանագրումներ կային ռազմագերիների, Արցախ մուտքի և պատմամշակութային հուշարձանների պաշտպանության և այլ հարցերի վերաբերյալ: Այս մասին ԱԺ եվրոպական ինտեգրման եւ ֆինանսավարկային ու բյուջետային հարցերի մշտական հանձնաժողովների համատեղ նիստում
նշեց ՀՀ արտաքին գործերի նախարարի տեղակալ Վահե Գևորգյանը՝ անդրադառնալով ԵԽԽՎ հետ ՀՀ համագործակցությանը:
Կարևորելով բռնի անհետացումների և անհետ կորած անձանց վերաբերյալ հարցը՝ փոխնախարարը նշեց. «Երբ խոսում ենք անհետ կորած անձանց մասին, պետք է հստակ տարբերակենք, որ կան բռնի անհետացածումներ և կան անհետ կորածներ: Բռնի անհետացումների դեպքում հստակ փաստագրված է նրանց գերության փաստը, այդ փաստագրումը փոխում է կարգավիճակը զուտ անհետ կորած անձի կարգավիճակից: Այս տեսակետից այդ բանաձևի շրջանակներում մեր պատգամավորների կողմից ներկայացված առաջարկները խիստ ողջունելի են»:
«Իսկ ինչ վերաբերում է ՀՀ «տնային աշխատանքին», այն առաջին հերթին վերաբերում է կենսաչափական անձնագրերին, և այս ուղղությամբ հավելյալ պարզաբանումների կարիք ունենք»,- նշեց Գևորգյանը:
Մանրամասները՝ տեսանյութում:
