08.06.2026 | 23:25
24 ժամ ջուր չի լինի Կոտայքի մարզի մի շարք հասցեներում
Ապաշրջափակումը չի կարող տեղի ունենալ ՀՀ անվտանգության, ինքնիշխանության հաշվին. ԱԳ փոխնախարար
Քաղաքականություն
04.11.2021 | 13:20
Տարածաշրջանի ապաշրջափակման գործընթացը չի կարող տեղի ունենալ ՀՀ անվտանգության, ինքնիշխանության և կենսական շահերի հաշվին: Այս մասին այսօր ասաց ՀՀ արտաքին գործերի փոխնախարար Վահե Գևորգյանը ԱԺ հանձնաժողովների համատեղ նիստում 2022 թվականիի պետբյուջեի նախագծի քննարկման ժամանակ:
Փոխնախարարի խոսքով՝ Հայաստանի արտաքին քաղաքական կարևոր ուղղություններից է տարածաշրջանում խաղաղության և կայունության հաստատումը:
«Տարածաշրջանում խաղաղ և փոխշահավետ գոյակցության մթնոլորտի ձևավորման հիմքում ընկած է նաև տարածաշրջանի ապաշրջափակումը: Այս տեսանկյունից կարևոր նշանակություն ունի 2021-ի հունվարի 11-ի եռակողմ հայտարարության դրույթների իրագործումը: Տարածաշրջանի ապաշրջափակման գործընթացի արդյունավետ իրականացումը հնարավոր է բոլոր դերակատարների կողմից կառուցողական դիրքորոշման ցուցաբերման և գործնական քայլերի իրականացման դեպքում: Միևնույն ժամանակ, հարկ է ընդգծել, որ այս գործընթացը չի կարող տեղի ունենալ ՀՀ անվտանգության, ինքնիշխանության և կենսական շահերի հաշվին»,- ասաց փոխնախարարը:
Խոսելով Հայոց ցեղասպանության ճանաչման գործընթացի մասին՝ նա նշեց, որ Հայոց ցեղասպանության միջազգային ճանաչման հարցը շարունակում է մնալ ՀՀ ԱԳՆ-ի օրակարգում։
