18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
«Վարչապետի հետ կհանդիպենք շաբաթ. պետք է հարցերը գրավոր ներկայացնենք, ուզում ենք լսել հստակ պատասխաններ»․ ՏԵՍԱՆՅՈւԹ
Հասարակություն
03.11.2021 | 19:09
Անհետ կորած և զոհված զինծառայողների վարչապետի հետ կհանդիպեն այս շաբաթվա վերջին։
Զոհված զինծառայողի հայր Գարիկ Մխիթարյանը լրագրողների հետ զրույցում հայտնեց, որ ոստիկանապետին հանդիպման ընթացքում հարազատները խնդրել էին աջակցել և հանդիպում կազմակերպել վարչապետի հետ։ Պայմանավորվածություն է ձեռք բերվել շաբաթ օրը վարչապետի հետ հանդիպման վերաբերյալ:
Մխիթարյանը նշեց, որ հարցերի շրջանակ են կազմում և ներկայացնելու են նաև հարազատների թվային տվյալներ, թե ովքեր ներկա կլինեն հանդիպմանը։ Խնդրանքն է՝ չգերազանցի 8-10 հոգին, իսկ ավելի արդյունավետ հանդիպում կարող է լինել 6 ծնողի հետ։
Ծնողները պատրաստվում են տեղեկանալ, թե քննչական գործողությունների արդյունքում ի՞նչ նորություններ կան, ԴՆԹ-ների հետ կապված ինչ արդյունքներ ունեն։ Կբարձրաձայնեն նաև գերիների մասին հարցերը, կփորձեն հասկանալ, թե արդյոք գործողություններ են կատարվում՝ պարզելու, թե տվյալ զինծառայողներից ովքեր են մնում ենթադրյալ գերիների ցուցակում և ովքեր են հայտնվում գերիների հաստատված ցուցակի մեջ։
Մխիթարյանը նշեց, որ քանի որ շաբաթ օրվա հանդիպման վերաբերյալ պայմանավորվածություն է ձեռք բերվել, կառավարության մոտ մնալու իմաստ չեն տեսնում։
Մանրամասերը՝ տեսանյութում:
