16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ժամանակն է «3+3» տարածաշրջանային մեխանիզմի շուրջ ծրագրերը գործնական հարթություն բերել․ Զախարովա
Քաղաքականություն
03.11.2021 | 18:43
Ռուսաստանը կարծում է, որ ժամանակն է «3+3» տարածաշրջանային մեխանիզմի շուրջ ծրագրերը գործնական հարթություն բերել։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նա շեշտել է, որ Մոսկվան աջակցում է Ադրբեջանի և Թուրքիայի նախագահների գաղափարը՝ ստեղծել «3+3» տարածաշրջանային հարթակը։
«Մենք կարծում ենք, որ ժամանակն է այդ ծրագրերը տեղափոխել գործնական հարթություն։ Բազմակողմանի տարածաշրջանային համագործակցությունը համապատասխանում է դրա ենթադրյալ բոլոր անդամների շահերին։ Ռուսաստանը կարծում է, որ «3+3»-ի գործարկումը կնպաստեր միջպետական հարաբերություններում վստահության բարձրացմանը, առկա հակասությունների կարգավորմանն ու տարածաշրջանի տրանսպորտային ներուժի և տնտեսության բացմանը»,- հայտարարել է Զախարովան։
Ըստ ՌԴ ԱԳՆ ներկայացուցչի՝ այս ձևաչափը կարող է և կլուծի ինչպես նախկին, այնպես էլ նոր խնդիրները։
Տաթև Ֆռանգյան
