23.08.2026 | 10:37
Ստեփանավանում վագոն-տնակ է այրվել. կա զոհ
Ռուսաստանում պատրաստվում են աշխատանքային ներգաղթյալների պարտադիր գենոմային գրանցում իրականացնել
Քաղաքականություն
03.11.2021 | 22:24
Ռուսաստանի Դաշնության Քննչական կոմիտեի նախագահ Ալեքսանդր Բաստրիկինը հանձնարարել է աշխատանքային ներգաղթյալների գենոմային պարտադիր գրանցման առաջարկներ պատրաստել։ Այս մասին երեքշաբթի ՏԱՍՍ-ին հայտնել է Քննչական կոմիտեի պաշտոնական ներկայացուցիչ Սվետլանա Պետրենկոն։
Ռուսաստանի Քննչական կոմիտեի նախագահը հանձնարարել է գլխավոր քննչական վարչությանը և իրավական աջակցության և միջազգային համագործակցության տնօրինությանը նախապատրաստել «Ռուսաստանի Դաշնությունում գենոմի պետական գրանցման մասին» և «Օտարերկրյա քաղաքացիների իրավական կարգավիճակի մասին» դաշնային օրենքներում փոփոխությունների նախագիծ, որը ենթադրում է Ռուսաստանում աշխատանքի թույլտվություն ստացած օտարերկրյա քաղաքացիների պարտադիր գենոմային գրանցում», – ասել է նա:
Պետրենկոն պարզաբանել է, որ Քննչական կոմիտեի առաջարկները կապված են աշխատանքային ներգաղթյալների անօրինական գործողությունների թվի աճի հետ, ինչը Ռուսաստանում առաջացնում է սոցիալական լարվածություն և հանցավոր իրավիճակի սրում:
Տեղեկացվում է, որ 2020 թվականի վեց ամիսների ընթացքում իրավապահ մարմինները հետաքննել են օտարերկրացիների կողմից կատարված ավելի քան 17 հազար հանցագործություն, իսկ 2021 թվականի առաջին կիսամյակում՝ գրեթե 19 հազար։ Միաժամանակ, ներգաղթյալների հանցագործության կառուցվածքում նկատվում է սոցիալական վտանգ ունեցող ծանր և առանձնապես ծանր հանցագործությունների թվի աճ։
Տաթև Ֆռանգյան
