10.09.2026 | 22:15
Ադիս Աբեբայում ներկայացվել են COP17-ի՝ ՀՀ նախագահության առաջնահերթություններն ու նախապատրաստական աշխատանքները
Ծնողի կողմից բռնության 33 դեպք է գրանցվել այս տարվա ընթացքում․ Ոստիկանության ներկայացուցիչ․ ՏԵՍԱՆՅՈՒԹ
Հասարակություն
03.11.2021 | 16:03
Ընտանեկան բռնության խնդիրը Հայաստանում թեպետ շատ չի բարձրաձայնվում, սակայն տարեցտարի գրանցվող դեպքերը լուրջ մտահոգության առիթ են: Շուրջ 4 տարի է՝ գործում է «Ընտանիքում բռնության կանխարգելման մասին» օրենքը, սակայն ընտանեկան բռնության դեպքեր շարունակվում են արձանագրվել։ Դա վկայում է այն մասին, որ ընտանիքում բռնությունից պաշտպանության օրենսդրական մեխանիզմները թերի են աշխատում։
«Ընտանեկան բռնություն. արդյունավե՞տ են արդյոք կանխարգելիչ մեխանիզմները» թեմայով քննարկման ժամանակ ՀՀ ոստիկանության անչափահասաների հանցավորության և ընտանեկան բռնության կանխարգելման վարչության ներկայացուցիչ Արմինե Գևորգյանը նշեց, որ նախորդ տարի սպավել է 13 իգական սեռի ներկայացուցիչ:
«2021թ. 9 ամիսների ընթացքում ՀՀ քննչական կոմիտեի վարույթում քննվել է ընտանեկան բռնության վերաբերյալ 364 քրեական գործ, որոնցից 87-ով հարուցվել են քրեական գործեր:
Ամուսնու կողմից կնոջ նկատմամբ 244 բռնության դեպք է գրանցվել, կնոջ կողմից ամուսնու նկատմամբ՝ 5 դեպք, ծնողի կողմից զավակի նկատմամբ 33 դեպք, զավակի կողմից ծնողի նկատմամբ 44 դեպք, ընտանիքի այլ անդամի կողմից՝ 38 դեպք»,- տեղեկացրեց Գևորգյանը:
Մանրամասները՝ տեսանյութում:
