Հասարակություն
03.11.2021 | 15:47Բողոքի խաղաղ ակցիաները բիրտ ուժով ցրելը նորմալ չէ, բայց մենք 21-րդ դարի Հայաստանում դրա ականատեսն ենք լինում: Այս մասին այսօր հրավիրված քննարկման ժամանակ հայտարարեց «Հելսինկյան ասոցիացիա» իրավապաշտպան ՀԿ-ի նախագահ Նինա Կարապետյանցը:
Իրավապաշտպանի դիտարկմամբ՝ իշխանությունները ոստիկանության ռեալ փոփոխությունների չգնացին. «Նոր մեքենաներ գնեցին, սիրուն ֆորմաներ, գեղեցիկ փաթեթավորումն ապահովեցին, բայց բովանդակային փոփոխություն չիրականացվեց»:
«Տարբեր տեսակի ապօրինությունների դեմ իրականացվող բողոքի խաղաղ ցույցերի ժամանակ նախկինում էլ կիրառվել է բիրտ ուժ: Քանի որ բիրտ ուժ կիրառողները չպատժվեցին, հիմա հաճույքով շարունակում են կատարել այդ հրահանգները: Զարմանալի չէ, որ այս իշխանությունները լուրջ բովանդակային բարեփոխումներ չիրականացրին, քանի որ շատ լավ հասկանում էին, որ ինչ-որ պահի իրենց պետք է գալու ոստիկանական այդ բիրտ ուժի կիրառումը»,- նշեց Կարապետյանցը:
Մանրամասերը՝ տեսանյութում:
